Malawian Airlines yazinduliwa rasmi leo

Shirika la Malawi kwa kushirikiana na Ethiopian Airways leo limezindua rasmi ndege mpya za Malawian Airlines. Malawian Airlines imekuja baada ya Air Malawi kushindwa kufanya vizuri kwenye soko na hivyo kupotea. Malawian Airline inamilikiwa na Seikali ya Malawi pamoja na Ethiopian Airways yenye 49% ya hisa zote.

Rais wa Malawi, Dr. Joyce Banda ndie aliyekuwa mgeni rasmi katika shughuli hii ya leo. Uzinduzi huu ni hatua kubwa na muhimu kwa sekta ya usafirishaji Malawi, na ni funzo kwa mashirika mengine yanayosuasua kama Air Tanzania.

Haya mambo huwa mabaya sana wakati mwingine.. Poleni washika bunduki.

Ukarabati wa milango iliyovunjwa na wezi umeanza

Weekend starts here.

Ijumaa ya leo sio nzuri hapa LUANAR!

Usiku wa kuamkia leo, ijumaa, wezi waliingia kwenye ofisi za Kituo Cha Utafiti na Maendeleo ya Kilimo (Centre for Agricultural Research and Development (CARD)) cha hapa Chuo Kikuu Cha Lilongwe cha Kilimo na Rasilimali Asilia (LUANAR) kilichopo Lilongwe, Malawi. Walipofika waliwafunga kwa kamba walinzi na kuwatupa msituni kisha kuvunja milango ya baadhi ya ofisi na kuingia ndani.

Wameiba baadhi ya vitu na nyaraka mbalimbali, vikiwemo laptops, projectors, flash disks, spika za computer na fedha taslimu (kwenye ofisi ya Mhasibu).

Kilichowashangaza wengi ni kwamba wezi hao wameonekana kuyafahamu vizuri mazingira ya hizi ofisi kiasi cha kujua ni wapi fedha zinawekwa, ni milango ipi inafunguka kirahisi, nakadhalika.

Nilipatwa na mshituko kidogo nilipofika ofisini leo asubuhi nikakuta watu wamejaa na kuna askari wanarandaranda kwenye hizo ofisi. Sikujua kilichotokea mara moja, ila mmoja wa wafanyakazi wa hapa aliniambia hauruhusiwi kuingia ofisini kwako kwa sasa. Nilipomuuliza kulikoni ndipo nilipofahamu mkasa mzima. 

Bahati mbaya ofisi yangu pia ilivunjwa mlango na wezi hao waliingia ndani. Bahati nzuri kwangu sikua nimeacha kitu chochote cha thamani ofisini zaidi ya desktop computer ya ofisi na baadhi ya vitabu. Hata hivyo wezi hao hawakuiba hiyo computer. Nilikuta tu wamefungua droo za meza na za kabineti la kuwekea nyaraka mbalimbali. Sikujua walikua wanatafuta nini, au wameiba nini humo kwenye kabineti maana sikuwahi kulifungua na hivyo sikujua ndani yake kulikua na nini. Polisi walinihitaji kutoa maelezo, na hicho ndicho kimsingi nilichosema.

Inawezekana lile tatizo la umaskini ndio linalochangia vitendo kama hivi kuendelea kutokea.
  

Vitasa vya mlango wa ofisini kwangu vikiwa vimevunjwa na wezi hao

Droo ya cabinet la kuhifadhia nyaraka ikiwa imefunguliwa na wezi hao

Droo za meza na cabinet kwenye ofisi ya jirani yangu Dr. Jumbe zikiwa zimefunguliwa

Droo za cabinet kwenye ofisi ya Bw. Richard Kachule zikiwa zimevunjwa baada ya majaribio ya kuzifungua 'kwa amani' kushindikana

Nyaraka mbalimbali zikiwa zimetawanywa chini kwenye mojawapo ya ofisi

Cheka, Ongeza Maisha!

MTOTO: baba unaitwa shule
BABA: kuna nini?
MTOTO: sijui, we twende
BABA: haya hebu twende
MWL: karibu mzee, mwanao tumemuuliza Kampala iko wapi kashindwa kujibu
BABA: kamgeukia mwanae akamzaba kibao kwa hasira na kumwambia... wewe nilikukataza kuchezea vitu vya watu, haya KAMPALA ya mwalimu iko wapi?

Nsima Chambo

JK Kufungua rasmi bunge la Katiba Ijumaa hii

Habari tulizozipata kutoka Dodoma zinasema kuwa Rais wa Jamhuri ya Muungano wa Tanzania, Dr. Jakaya Kikwete atalihutubia na kulifungua rasmi Bunge la Katiba Ijumaa hii saa kumi alasiri.

Mambo ya Utalii wa ndani

Watalii wa ndani Bwana Johnes Mwita na Cyril Ochola (Buda) wakifurahia mandhari safi ya maporomoko ya maji ya Marangu

Wikiendi iliyopita nilikuwa katika mkahawa mmoja katika mji wa Lilongwe kwa ajili ya chakula. Alikuja bwana mmoja, kijana wa makamo, tukakaa nae na kuanzisha mazungumzo.

Yeye alinieleza kuwa anafanya kazi katika shirika moja lilopo katika mji wa Blantyre, kama kilomita 360 hivi kutoka Lilongwe. Katika kipindi hiki alikua katika likizo yake ya mwaka.

Kitu kilichonifurahisha kwa yule bwana ni kwamba alikuja Lilongwe kufanya utalii wa ndani. Yeye anasema hutumia likizo yakekutembelea miji na maeneo mbali mbali ya nchi yake. Likizo hii alikua anatembelea vyo vikuu vilivyopo Malawi. Alikuwa akienda katika kila chuo ili kujionea mabadiliko na maendeleo yake. 

Nilivutiwa na uamuzi wake, nikawa najiuliza hivi kwetu Tanzania mambo haya yapo? Utakuta mtu anakaa Dar es Salaam lakini hajawahi hata kufika Kibaha, achilia mbali Bagamoyo na Zanzibar. Au mtu yupo Moshi lakini hajawahi kufika pale Marangu Waterfall au hata kufika tu kwenye geti la KINAPA! Mwingine yupo Arusha lakini hata Arusha National Park hajui pako wapi achilia mbali maeneo mengine madogo madogo kama Snake Park. Na maeneo mengineyo kadha wa kadha katika nchi yetu.

Tanzania imebarikiwa kuwa na vivutio mbalimbali. Kuna watu wanasafiri kutoka maeneo mbalimbali ya dunia kuja kuona Simba wa Serengeti, twiga wa pale Mikumi, kupanda mlima Kilimanjaro au kutembelea Ngorongoro Crater. Watu hawa hutumia maelfu ya dola. Lakini maeneo haya na mengine mengi yapo nchini kwetu, yanatuzunguka, ila hatushawishiki kuyatembelea.

Nadhani imefika wakati tunahitaji kubadili mitazamo.

Mtalii wa ndani akitafakari namna ya kuanza kupanda Mlima Kilimanjaro

Five aspects of Living and Working successfully in another Culture

1. Open attitude

2. Self-awareness

3. Other-awareness

4. Cultural knowledge

5. Cross-cultural skills

Maneno ya busara kwenye dinner ya kuagana

Kwenye ile dina ya kuagana kuna maneno ya busara yaliongewa, unaweza kuyasikiliza kwenye hii clip hapa chini. Picha za tukio hilo ziko hapa>>

Kunradhi, ubora wa sauti ni wa kiwango cha chini, lakini inaweza kusikika sauti ya Ezra, Frank na Vera. Wengine sauti zao zinasikika kwa mbali sana hivyo nimeziondoa.

Ezra: "...hata huko pia upate wapendwa wengine katika Bwana ambao watakaa nawewe kwa wakati huo ambao utakua huko. Zaidi sana nakuombea mafanikio makubwa... na pili ile kampeni yetu ile inaendelea...."

Frank: "...zaidi tu yeye tumtakie tu heri...atambue kwamba Mungu yuko kote, Mungu hana mipaka...zaidi sana uwe na maisha mazuri..."

Vera: "Ah, Mi nashukuru. Kwanza napenda kushukuru kujumuika hapa kama mwanamke pekee katika kundi la wanaume...zaidi nakutakia safari njema... kuna kitu ambacho Ryoba amesema hapa, mimi naomba iwe angalizo...home is the best always..urudi nyumbani...tutakuwepo, tunakuombea na sisi pia tuombee."
 
Maneno mazuri sana haya. Yananipa nguvu. Thank you guys.. I'm missing u!

Matokeo ya Uchaguzi Kalenga: Mgimwa like Father like Son

Matokeo rasmi ya uchaguzi mdogo uliofanyika katika jimbo la Klenga yanaonyesha kuwa mgombea ubunge wa jimbo hilo kupoitia Chama Cha Mapinduzi (CCM) Bwana Godfrey Mgimwa ameshinda.

Uchaguzi huo ulifanyika kufuatia kifo cha aliyekuwa mbunge wa jimbo hilo Dr. Mgimwa, ambaye pia ni baba mzazi wa Godfrey Mgimwa.

Tunakupongeza na kukutakia kila lakheri mbunge mteule wa Kalenga. Kumbuka kutimiza ahadi ulizowaahidi wananchi wa Kalenga.

Tukio la Abuja: Tatizo la Umaskini litaisha lini Afrika?

Baadhi ya vijana waliojitokeza katika uwanja wa Taifa wa Nigeria uliopo Abuja wakiwa ndani ya uwanja huo baada ya kukanyagana

Jumamosi ya Machi 15, 2014 kulitokea tukio la kusikitisha katika nchi ya Nigeria ambapo angalau watu 16 walipoteza maisha katika harakati za kutafuta kujikwamua kimaisha. Katika tukio hilo lililotokea kwenye mji wa Abuja, dazani kadhaa za watu wengine walijeruhiwa vibaya.

Wanigeria hao walikutana na mkasa huo walipokua wakitafuta kuingia ndani ya uwanja wa Taifa wa nchi hiyo ili kufanya mtihani ambao ungewawezesha kupata fursa ya kufanya kazi katika Idara ya Uhamiaji ya nchi hiyo. Uwanja huo una uwezo wa kuchukua watu 60,000 lakini Vyanzo vya habari vinaeleza kuwa watu wasiopungua 68,000 walilipia N8000 kila mmoja kama gharama ya kufanya mtihani huo. Idadi hiyo kubwa ya watu waliolipia kufanya mtihani ilifanya idadi kubwa ya watu kufika katika Uwanja wa taifa wa Nigeria ili kufanya mtihani huo.

Taarifa zinaeleza kuwa kulitokea kugombania kuingia uwanjani humo ambapo watu walisukumana na kukanyagana. Watu wengine walijaribu hata kuruka ukuta wa uwanja huo ili kuingia ndani. Hali hii ndio iliyopelekea mkasa huo kutokea.

Mtihani huo ulikua ukiendelea pia katika miji mingine nchini Nigeria ya Lagos, Kaduna, Asaba na Benin.

Tunaweza kujiuliza ikiwa mamlaka husika zilijiandaa kuhakikisha zoezi hilo linaenda kwa usalama, maana taarifa kutoka Abuja zinaeleza kuwa kulikua na mlango mmoja tu wa kuingilia ndani ambao ulikua wazi. Hata hivyo hili sio lengo letu hapa.

Tunachoshawishika kuamini ni kuwa jambo la msingi lililopelekea idadi hiyo kubwa ya watu kujitokeza ni umaskini, au pengine ni ukosefu wa ajira.

Hatujui idadi ya watu waliokua wanahitajika baada ya zoezi hilo lakini tunaweza kujiuliza ikiwa watu zaidi ya elfu sitini walijitokeza katika eneo hilo kwa wakati mmoja kuomba hizo kazi, tatizo la ukosefu wa ajira ni kubwa kiasi gani?

Ukosefu wa ajira, za kuajiriwa au za kujiajiri, kunasababisha umaskini. Umaskini huu ndio unaolirudisha bara letu la Afrika nyuma katika kila nyanja.

Kwakua tunaamini kuwa mamlaka zinazohusika zinafahamu ukubwa wa tatizo hili, na tatizo bado lipo, sisi swali letu la msingilinabaki kuwa, tatizo la umaskini litaisha lini Afrika?

Swali kutoka kwa mdau Loiruk

Hivi katika MIZUKA yote ya kushangilia, kuna MZUKA unaozidi ule wa shule ya msingi wakati wa KENGELE ya kurudi nymbani?

Its Monday Again!

Inapofika jumatatu huwa nakumbuka maneno ya wimbo wa Ambassadors of Christ..
"...kazi tufanye, tufanye ndugu kwa nguvu tulopewaa,
kamwe huwezi kuendelea usipoifanya kazi,
lakini katika yote ukumbuke kuwa Mungu ni wa kwanza,
Ni vema tufanye lakini bila baraka zake hatutapata..."

Tunawatakia uchaguzi wa amani Kalenga

Bw. Godfrey Mgimwa, mgombea ubunge wa Jimbo la Kalenga kupitia Chama Cha Mapinduzi

Bi. Grace Tendega, mgombea ubunge wa Jimbo la Kalenga kupitia Chama Cha Demokrasia na Maendeleo (CHADEMA) 

Imebaki siku moja kwa kampeni za uchaguzi katika jimbo la uchaguzi la Kalenga kuhitimishwa. Uchaguzi umepangwa kufanyika siku ya Jumapili, tarehe 16/03/2014. Uchaguzi huu unafanyika kufuatia kifo cha aliyekuwa Mbunge wa jimbo hilo Dr. Mgimwa. Katika uchaguzi huo vyama viwili ya siasa, CCM kilichomsimamisha Bw. Godfrey Mgimwa, ambaye pia ni mtoto wa marehemu Dr. Mgimwa aliyekua mbuge wa jimbo hilo, na CHADEMA kilichomsimamisha Bi. Grace Tendega vimeonekana kuwa na guvu zaidi ya ushawishi.

Wananchi wamesikiliza kampeni za vyama vyote na wakati wao wa kuamua umefika. Tunaomba maamuzi ya wananchi yaheshimiwe ili kuwe na uchaguzi ulio huru, wa amani na wa haki.

Aidha tunaimani kuwa vyama vyote vitakuwa tayari kuyakubali matokeo kwa mujibu wa wananchi watakavyoamua.

Tunaamini pia kuwa jeshi la polisi mkoa wa Iringa, kama lilivyotoa tamko lake kwa vyombo vya habari, limejipanga kuhakikisha zoezi la upigaji kura halitawaliwi na mizengwe ya aina yoyote.

Tunatoa pia rai kwa Tume ya Uchaguzi kufanya kazi yao kwa maadili na uzalendo.

Mungu Ibariki Tanzania, Mungu Ibariki Kalenga! 

Its Friday!

Shot of the Day!

Ndege ya Malaysia imepotelea wapi?

Ndege ya shirika la ndege la Malaysia aina ya Boeing 777, iliyopotelea hewani wakati inatoka Kuala Lumpur kuelekea Beijing

Leo ni siku ya nane tangu ndege ya Shirika la Ndege la Malaysia aina ya Boeing 777 ipotelee kusikojulikana. Ndege hiyo ilikua ikitoka Kuala Lumpur kuelekea Beijing ikiwa na jumla ya abiria wapatao 239 pamoja na wafanyakazi wa ndege.

Shirika la ndege la Malaysia lilisema ndege hiyo namba MH370 ilipotea majira ya saa 8:40 kwa saa Malaysia siku ya Ijumaa baada ya kuondoa Kuala Lumpur. Ndege hiyo ilitarajiwa kuwasili Beijing China majira ya saa 12:30 kwa saa za Malaysia.

Maswali mengi yanagubika upoteaji wa ndege hiyo. Baadhi wanahisi pengine kuna watekaji walikuwa ndani ya ndege na hivyo kuiteka na kuielekeza wanakojua wao. Hata hivyo wadadisi wa mambo wanaona uwezekano wa kuwa imetekwa ni mdogo kwasababu ikiwa ilitekwa basi watekaji wangeshaeleza malengo la utekaji wao.

Aidha kutokana na sababu za kisayansi ndege inapopaa inakuwa imejazwa mafuta kwa kadiri ya umbali itakaosafiri. Kwakuwa mafuta hayo yana uzito, pamoja na uzito wa abiria na mizigo ndege hairuhusiwi kutua kabla mafuta hayo yahajatumika hivyo kupunguza uzito. Ikitua kwa lazima kabla ya mafuta kupungua, uzito utakua mkubwa na hivyo inaweza kuvunjika vunjika. Uwezekano pekee wa kutua kabla ya kufika mwisho wa safari ni kumwaga mafuta ikiwa bado hewani. Sasa kama ilitekwa je ilitua kwa umbali sawa na uliokadiriwa? Kama sivyo je, walipunguza mafuta? 

Kuna wengine wanadhani pengine ilikumbana na kimbunga kikali ikiwa angani na hivyo kuanguka. Hata hivyo swali linabaki kuwa kama ilianguka, mbona mabaki yake yametafutwa kwa muda wa zaidi ya wiki sasa hayaonekani?

Watu wa dini wanaweza kuamini labda pengine imenyakuliwa. Lakini hata hivyo huo sio utaratibu wa Mungu kufanya kazi. Swali linabaki pale pale, hiyo ndege imepotelea wapi? 

Labda tuamini kama wanasayansi wanavyosema kuwa dunia yetu ina nguvu ya uvutano (gravitational force), inayovifanya vitu vyote vinavyorushwa angani kurudi chini ardhini, na labda ndege hiyo ilipaa juu sana mpaka ikavuka eneo la uvutano la dunia na hivyo ikapotelea huko!

Mashirika ya ndege katika ukanda wa Afrika Mashariki kama Precision Air, Kenya Airways, Air Uganda, FastJet, n.k. yanatakiwa kufuatilia kwa makini, kwa lengo la kujifunza, kilichotokea Malaysia.